影片
更多
2016-04-29
1111 浏览
记得以前去澳门食过黄枝记，对佢既竹升面印象深刻。估唔到今日行行下铜锣湾竟然见到有佢既招牌，即刻行左入去。 原来铜锣湾呢间正正就系澳门黄枝记系香港既分店，属于楼上铺，地方都几大，而且同澳门黄枝记一样，有个地方系摆放制作竹升面既工具。 餐牌亦都唔系独弧一味，除左招牌竹升面之外都仲有好多其他食物，又有套餐。 咖喱牛腩捞面上枱时有一碗汤，一碗牛腩同埋一碟面。先将面浸一浸入汤，然后将咖喱牛腩加埋一齐食。竹升面有少少硬身，但因为浸过汤，完全唔干身。咖哩牛腩辣道适中，煮得都算淋。 原粒带子肠粉虽然肠粉薄既程度未至于可以透到入面既馅料，但系表面都系可以见到大大粒带子系里面。入口既肠粉都几滑口而且弹牙，带子为软淋淋既肠粉增加口感！整个肠粉唔浓味，清清地。 香煎瑶柱萝卜糕虽然系煎过，但唔觉有煎过火既痕迹。萝卜糕表面布满瑶柱，入口成口瑶柱，口感提升。至于萝卜糕口感一流，一般出面食到既萝卜糕都系咬落去松松散散，而今次食到既系实在既感觉，所以觉得几好食。 酥炸云吞超大块，仲大过我只手，好有份量。咬落去非常香脆，一咬即碎，配埋甜甜酸酸既酱食，无咁热气之如，又开胃。 柑桔生姜茶未饮已经闻到柑桔既香味，入口有少少
记得以前去澳门食过黄枝记，对佢既竹升面印象深刻。估唔到今日行行下铜锣湾竟然见到有佢既招牌，即刻行左入去。
原来铜锣湾呢间正正就系澳门黄枝记系香港既分店，属于楼上铺，地方都几大，而且同澳门黄枝记一样，有个地方系摆放制作竹升面既工具。
餐牌亦都唔系独弧一味，除左招牌竹升面之外都仲有好多其他食物，又有套餐。
咖喱牛腩捞面
上枱时有一碗汤，一碗牛腩同埋一碟面。先将面浸一浸入汤，然后将咖喱牛腩加埋一齐食。竹升面有少少硬身，但因为浸过汤，完全唔干身。咖哩牛腩辣道适中，煮得都算淋。
原粒带子肠粉
虽然肠粉薄既程度未至于可以透到入面既馅料，但系表面都系可以见到大大粒带子系里面。入口既肠粉都几滑口而且弹牙，带子为软淋淋既肠粉增加口感！整个肠粉唔浓味，清清地。
香煎瑶柱萝卜糕
虽然系煎过，但唔觉有煎过火既痕迹。萝卜糕表面布满瑶柱，入口成口瑶柱，口感提升。至于萝卜糕口感一流，一般出面食到既萝卜糕都系咬落去松松散散，而今次食到既系实在既感觉，所以觉得几好食。
酥炸云吞
超大块，仲大过我只手，好有份量。咬落去非常香脆，一咬即碎，配埋甜甜酸酸既酱食，无咁热气之如，又开胃。
柑桔生姜茶
未饮已经闻到柑桔既香味，入口有少少咸既柑桔味又夹杂住姜味，饮完成个人舒服晒。
食过呢间真系会谂起澳门黄枝记！
张贴
