七重天 (已結業)

朕今日微服出巡到铜锣湾，巡到饿饿地，就问啲随从附近有咩地方可以黎个《欢乐时光》，佢地就推左呢间七重天俾朕，朕一上到去，有种回到家既感觉！朕一坐低，就叫左杯野饮，名叫思南路，无酒精甜甜地，有淡淡既果香，清新解渴。而另一面既装横就似旧时既夜上海，有流星机，仿油灯和木制窗框同埋吊灯，令人有置身于夜上海既感觉，喺呢个环境食下小食，饮杯野，吹下水，享受欢乐时光！芝士年糕，外层年糕烟韧，入面芝柔滑，年糕同埋芝士配合得宜。盐烧帆立贝，加左少少芝士黎烧，吊出左帆立贝既鲜味，咬落弹牙。焦糖鸡翼，鸡翼加左盐烧，鸡翼外脆内嫩，再喺表面加上焦糖，口感丰富，佐酒小食！金薄冬菇，外层有金薄，冬菇入面多汁。川烧猪颈肉，加入左孜然粉，猪颈肉香味浓。烟肉荔枝，烟肉香脆，荔枝肉清甜，有种清新既感觉。鱼子酱烧白鳝，有鲜味既鱼子酱，白鳝烧到脆皮，肉质鲜嫩，鲜上加鲜！黑松露烧和牛，有香浓既黑松露香味，而和牛就入口即溶，油香同埋肉汁丰富，不俗！西班牙烧黑毛猪，肉质爽口鲜味，肉汁丰盈。听讲呢度仲可以包场，每人大约五旧水，最少六个人就可以包场，同三五知己食饭吹水，呢度都系一个几好既选择！