顏府御膳 (已結業)

嚟到位于铜锣湾嘅颜府御膳，呢度装修精致，坐位够哂宽敞舒适。金沙脆豆腐：豆腐外脆内嫩，令人一食上瘾。青瓜海蜇头：青瓜够哂清新清爽，海蜇头爽口，调味得宜，带有点点嘅辣味，非常之惹味。保健老火汤：是日嘅老火汤用咗红萝卜，鸡脚同螺头煲制，够哂清甜滋润，好啱秋天干燥嘅时候饮。蟹肉桂花炒瑶柱：入面除咗有份量颇多嘅蟹肉，仲有蛋白，瑶柱，银芽等配料，火候控制得宜，食材唔会太老但食得出镬气好足，而味道就因为有瑶柱同蟹肉，鲜甜味十足。羊肚耳珍菌浓汤浸时蔬：浓汤够哂鲜甜，令到时蔬索哂汤汁，变得更加清甜，而加埋各种嘅菌类，令口感味道都变得更丰富。