芯 (已結業)

静鸡鸡又帮衬黄店💛黎到铜锣湾广场嘅呢间小店，见到人地影佢嘅M6.7和牛腹扒好吸引，上面仲有块金萡，真系好fancy😍唐扬鸡胸软骨($52)，炸得香脆，带盐香。另一个推荐菜色牛舌串烧($42)，食落软淋，唔会太硬。上面落咗盐，带有小小调味作用。重头戏，M6-7和牛西冷($238)，我叫咗七成熟，食落啱啱好☺️ 上面落咗金萡真系好fancy呀！和牛带有肥膏但唔算多(系正常和牛都会有，如果唔系食落会硬身），所以食落有油香，唔硬，有小小入口即溶嘅感觉。价钱都合理（人均$200内），我见餐厅仲有好多其他款式嘅串烧同大板烧，睇落都唔错，适合一大班人黎食👌🏻