影片
更多
2010-10-08
50 浏览
今日第一日落铜锣湾出 job，我个 senior head 居然带我出去蛇王㖞，下午四点几走去食个 tea 。Tea Set Menu 唔多，得一款，普通炒蛋多士都要成 $33，所以宁愿俾贵少少试个特餐 $39。 鸡批浮台： 即系一个鸡批，用青豆茸汤浸住。呢个唔合我口味，亦都唔合我阿头既口味，大家食咗第一啖都望一望对方。个青豆茸汤 d 味好怪，饮落系有 d 一粒粒既感觉，但系唔系青豆粒，似开薯蓉粉咁既粒粒，味道我地又唔觉得似青豆味。好在个鸡批都好味，可以补番。鸡批个外层松脆，饀料十足。 香蕉班戟：呢个我觉得几好食，阿头就话太甜㖞。当中包括两件普通 pancake ，再加 d 用香蕉煮既糖浆，加几片香蕉片，仲有少少合桃，蕉味十足。其实本来无叫蛋挞既，话说系我阿头一坐落就叫咗个特餐，而我就未决定到，所以佢落单先，跟住到我都决定要一个特餐时，个侍应原来听错咗我要一个「蛋挞」，结果蛋挞送到先发现。阿头话一个小小蛋挞照要啦，咁就顺便试埋个蛋挞喇。而个蛋挞呢，我觉得 $5 唔抵，因为个蛋挞系放凉晒既，而且又无蛋味，只系随便系街见到一 d 细细既面饱舖，用 $2.5 都买到果种。虽然食物一般，不
Tea Set Menu 唔多，得一款，普通炒蛋多士都要成 $33，所以宁愿俾贵少少试个特餐 $39。
鸡批浮台： 即系一个鸡批，用青豆茸汤浸住。呢个唔合我口味，亦都唔合我阿头既口味，大家食咗第一啖都望一望对方。个青豆茸汤 d 味好怪，饮落系有 d 一粒粒既感觉，但系唔系青豆粒，似开薯蓉粉咁既粒粒，味道我地又唔觉得似青豆味。好在个鸡批都好味，可以补番。鸡批个外层松脆，饀料十足。
香蕉班戟：呢个我觉得几好食，阿头就话太甜㖞。当中包括两件普通 pancake ，再加 d 用香蕉煮既糖浆，加几片香蕉片，仲有少少合桃，蕉味十足。
其实本来无叫蛋挞既，话说系我阿头一坐落就叫咗个特餐，而我就未决定到，所以佢落单先，跟住到我都决定要一个特餐时，个侍应原来听错咗我要一个「蛋挞」，结果蛋挞送到先发现。阿头话一个小小蛋挞照要啦，咁就顺便试埋个蛋挞喇。
而个蛋挞呢，我觉得 $5 唔抵，因为个蛋挞系放凉晒既，而且又无蛋味，只系随便系街见到一 d 细细既面饱舖，用 $2.5 都买到果种。
虽然食物一般，不过环境够特别，跟足以前怀旧茶餐厅 feel ，仲用埋以前既方糖，好得意。食一、两次就无妨，不过食茶餐厅既下午茶黎计，价钱好似贵咗 d ，或者下次试食饭啦。
张贴
