影片
更多
2024-03-01
10 浏览
今日同朋友喺铜锣湾行完街，谂住揾餐厅食吓晚饭嘅时候，就揾到呢一间楼上西餐。餐厅大概有八至九张枱左右，枱与枱之间亦都唔会狭窄，令人坐得都舒服。餐厅布置几浪漫，有啲吊灯装饰。今日我同朋友就嗌咗两个set，一个系蟹肉冬阴功意大利饭，另一个就系纽西兰ps牛肉眼扒。首先先嚟咗是日餐汤，系黑松露蘑菇汤。饮落去黑松露味都香，而蘑菇味都好浓郁，成个汤嘅质感系偏creamy，饮落好顺口。而另外亦都配搭咗餐包，餐包唔系普通嘅牛油面包，而系搽咗牛油烘咗嘅法国长棍面包，食落好香口，而加埋汤嘅配搭唔错。主菜先嚟冬阴功蟹肉意大利饭，意大利米嘅质感煮得啱啱好，仍然保持到弹牙同烟靭嘅口感，唔会过分硬或者腍。味道方便，好浓冬阴功味，偏辣，食得出加左青柠，辣得来又带酸味，好惹味唔错。另外蟹肉味都突出，亦都见到落咗唔少蟹肉。另一个主菜系牛扒，牛扒铺满咗松露汁。先讲牛扒嘅质感，大概系七成熟左右，口感唔会韧之余仍然保持到肉汁，而牛扒亦都有牛味，就咁唔配搭酱汁食都好食。而松露汁亦都好香，唔会过咸，配搭牛扒食增加咗另一种风味。今餐我同朋友都觉得唔错，地方几好坐好啱朋友嚟呢度吹水聚吓。而食物质素亦都相当唔错，喺铜锣湾闹市实属一个好地
餐厅大概有八至九张枱左右，枱与枱之间亦都唔会狭窄，令人坐得都舒服。餐厅布置几浪漫，有啲吊灯装饰。
今日我同朋友就嗌咗两个set，一个系蟹肉冬阴功意大利饭，另一个就系纽西兰ps牛肉眼扒。
首先先嚟咗是日餐汤，系黑松露蘑菇汤。饮落去黑松露味都香，而蘑菇味都好浓郁，成个汤嘅质感系偏creamy，饮落好顺口。而另外亦都配搭咗餐包，餐包唔系普通嘅牛油面包，而系搽咗牛油烘咗嘅法国长棍面包，食落好香口，而加埋汤嘅配搭唔错。
主菜先嚟冬阴功蟹肉意大利饭，意大利米嘅质感煮得啱啱好，仍然保持到弹牙同烟靭嘅口感，唔会过分硬或者腍。味道方便，好浓冬阴功味，偏辣，食得出加左青柠，辣得来又带酸味，好惹味唔错。另外蟹肉味都突出，亦都见到落咗唔少蟹肉。
冬阴功蟹肉意大利饭
8 浏览
0 赞好
0 留言
另一个主菜系牛扒，牛扒铺满咗松露汁。先讲牛扒嘅质感，大概系七成熟左右，口感唔会韧之余仍然保持到肉汁，而牛扒亦都有牛味，就咁唔配搭酱汁食都好食。而松露汁亦都好香，唔会过咸，配搭牛扒食增加咗另一种风味。
纽西兰ps牛肉眼扒
7 浏览
0 赞好
0 留言
今餐我同朋友都觉得唔错，地方几好坐好啱朋友嚟呢度吹水聚吓。而食物质素亦都相当唔错，喺铜锣湾闹市实属一个好地方。
张贴
