金西南米線

营业中

休息中

成日路过拉面街，一间成日都见几多人入面嘅米线店，今次就嚟试吓啦，发现都好多附近返工嘅人过嚟食，如果平时一个人食晏呢度都几啱，价钱同好多连锁式米线店差唔多，不过呢度仲有唔同嘅小食，价钱亲民都几抵食。今次同朋友嚟，拣咗一个捞米线，一个酸辣小窝米线，转红薯粉，小窝米线底嘅酱汁都几够浓味，唔会太辣，啱香港人口味，见到佢有一个得奖腩肉，都特登叫黎试吓，口感不错，可以一试。反而今次令我觉得有惊喜嘅，唔系米线，竟然系佢嘅小食，除咗好多款式可以拣之外，我最钟意嘅系藤椒鱼皮，佢同出边𠮶啲小食好唔同，呢个鱼皮系薄身啲嘅，好爽脆，啲辣味系由食咗落去慢慢渗出嚟嘅，呢个口感如果配面食真系几正嘅小食，推介