スーパー丼 (駱克道) (已結業)

Superdon系其中一间我经常去嘅餐厅，因为佢嘅用料新鲜，价钱都非常抵食👍🏼 系铜锣湾嚟讲，性价比真系算几高！鹅肝和牛丼每次都系必点之选，牛肉半生熟，煎得啱啱好，外层好香，入面嫩滑，加埋煎到金黄色嘅鹅肝真系好邪恶。最钟意系佢嘅烧汁，好香，带啲甜味，好快就𩠌哂成碗饭！今次另外叫咗佢哋嘅温泉蛋吞拿鱼蓉三文鱼子丼，鱼生够多，而且新鲜鲜甜，一粒粒嘅三文鱼子再加上蛋王同埋大量葱碎，每一啖饭都铺满左料，好满足。