Le Marron (已結業)

公司举办品酒晚宴。身为酒徒的我，岂容错过？来到 le marron, 三道菜只系每位$450(%+10%)，法国菜来说，真系超值。仲要唔收开瓶费!环境说不上最美仑美奂，系迫咗少少同多人时有小小嘈，特别系大家都酒上脑后。酒杯非名牌酒杯但质素不俗，毕竟唔收开瓶费，唔可以咁高要求 。来个法式焗田螺薯蓉。香草橄榄油汁提升田螺鲜味，田螺粒粒饱满丰盈，口感弹牙。薯蓉焗得好香，配上田螺嘅汁好滑好好味。跟住系餐汤：蘑菇汤，上面系松露油。蘑菇汤好鲜味，汤中有粒粒蘑菇，非常足料。美中不足系松露油闻落好香，饮落无咩味，令人觉得有啲空虚。蘑菇汤我系钟意Creamy小小嘅，觉得哩个稀咗啲啲。煎猪扒好厚，一定要慢煮先得。配肉汁，洒上盐花，轻轻调味已经好好食。里面粉红,有肉汁，算不错。Apple crumble with vanilla ice cream.苹果金宝配云喱拿雪糕。外脆内香甜，肉桂苹果好美味，云喱拿雪糕充满云喱拿嘅黑色点点，冷热交融，真系正。法国菜嘅甜品真系特别出色。