Mr. K Pizza N Chicken (已結業)

铜锣湾咁多好野食，突然口痕想食啲快餐，呢间新开嘅pizza炸鸡专门店，系登龙街一列地舖中，一次过满足晒食pizza、炸鸡嘅口瘾，铺面唔算大，座位亦唔算多，不过都坐得舒服佢哋主打多款手工薄饼同韩式炸鸡，仲可以选择其他小食。饮品方面，常见嘅汽水都有，仲有特饮同啤酒。而午市套餐仲包沙律同饮品，整体觉得味道有惊喜，真心好味几出色，而且好足料，两个人食一个pizza都够哂饱，属于中价水平，午餐有set lunch人均都系一百几左右，会再同朋友gathering食_➤经典夏威夷薄饼🍕$93一上碟就忍唔住即刻食，薄饼批边吃落好松软烟韧，外皮又带少少脆，而且面头铺满超多料，有菠萝、火腿同大量水牛芝士、番茄酱，几乎每啖都有，芝士味道浓郁，拉丝拉到好高都唔断，好邪恶，非常推介👍🏻➤蒜香大虾扁意粉🦐🍝$68都算大份，有六只虾围边，蒜香味好重，好多蒜，但食落口味道反而冇咁浓，扁意粉爽弹，都入味挂汁，好食➤蜜糖芥末炸鸡🍗两件+$38啱啱新鲜炸起，热辣辣，都算大件厚肉，外皮略厚，不过食落好脆卜卜，冇比啲酱整到稔左，几香口，而且肉质一啲都唔靭，好嫰好多肉汁，无骨食落啖啖肉，配埋蜜糖芥末酱汁甜甜地，都几夹，𣎴过芥末味