緣味小聚 (金百利廣場) (已結業)

星期天瞓醒同囡囡去饮茶，近近哋拣咗金百利广场嘅缘味小聚。平时星期日，间间酒楼都人头涌涌，但呢度就唔使等位。12点到，我哋系第一台，同囡囡坐喺卡位，几舒服。呢度嘅环境几宽敞，布置唔似一般酒楼，桌椅色彩缤纷有公仔，好特别。呢度夜晚系食蒸海鲜，午市就可以食蒸饭同埋点心。叫咗一个一人午市套餐，包一个蒸饭同四款点心，每样各一件，有古法马拉糕，粉果，鲜虾菜苗饺同燕麦糕。我就选择咗龙趸蒸饭，龙趸超滑嫩，好好食。饭吸收咗鱼嘅精华，好香。另外再加个炖汤同红枣糕，炖汤系虫草花鸡脚炖猪肉，无味精，女女好钟意饮，自己饮晒成。餐厅价钱大众化，在铜锣湾嚟讲算抵食，下次可以约埋一家人嚟饮茶。