三才魚蛋粉麵

营业中

休息中

铜锣湾食嘢普遍都比较贵，所以呢间三才鱼蛋粉面相对之下性价比非常之高，尤其系下午茶餐送鱼皮、油菜或者热饮，两点几已经好多人喺门口排队。除咗抵食之外，三才嘅嘢食全部都系自家制，质素都好高。就好似我最钟意食嘅炸鱼皮，就系舖头起肉整鱼蛋之后，用鱼皮去炸。可能系比较新鲜嘅关系，比包装零食嘅炸鱼皮厚身，鱼味亦都较浓。我同朋友各叫咗一个茶餐，再加一店腩汁芥兰。芥兰非常翠绿嫩口，但咬落去都好腍好易咬。嚟呢度当然唔少得鱼蛋鱼片河，有鱼味当然系基本，鱼蛋非常弹牙，不愧系镇店之宝。由于系清汤汤底，所以加咗餐厅秘制辣椒油调味，辣椒油加咗炸蒜，闻落去好香之余，辣味亦都好够好惹味。朋友叫咗牛什面，都系舖头自家制。平日猪嘅内脏就食得多，真系比较少食牛杂。除咗牛大肠同牛肚之外，其他都唔系好认到，不过牛味好重，火候十足，好多𩠌煮到好腍好入味，汤底相对鱼蛋河浓，有啲似牛腩汤底。饮品我叫咗杯柠檬菜蜜。朋友叫左杯柚子蜜。