魂 (已搬遷) 新店位置

铜锣湾鹅颈桥底有间细细既拉面店，门面装潢日式风味好浓。青龙 （$99）食拉面唔知点解对d绿色汤底有种情意结。今次既绿色系菠菜汁汤底，汤底杰身，但菠菜味真系略淡。配上半个半熟流心蛋，蛋既熟度拿捏得岩岩好。仲有肥美既叉烧，同少量既蟹肉同鱼子酱，份量唔够唔太食得出。拉面面质几有咬口，唔会太糊身。整体拉面面质唔错，但味道好淡口。太极 （$99） 黑色既汤底系墨鱼汁配豚骨汤，汤底略为唔够浓厚，豚肉味未为浓郁。系叉烧上面有蟹膏同金箔，蟹膏鲜甜浓郁。叉烧口感肥瘦适中。总括不过不失。