影片
更多
2022-12-16
397 浏览
之前经过上环嘅Little Bao分店 成日见到大排长龙 今次发现原来铜锣湾新开左间好大嘅分店 不过都要早好多日book先有位 餐厅系以fusion为主题 混合左中西日韩台墨式食材 每道菜式都有惊喜 有好多你谂唔到嘅配搭 但都出奇地好食餐厅舒适阔落 装修系走新潮型格风 值得一提嘅系 餐厅侍应嘅服务态度超级好 非常热情同细心 同客人们有倾有讲 🎄The Holiday Menu for 2🎄🎅🏻🤶🏻小包包二人套餐 $596两位-Appetizers前菜 (可选四样前菜）-😍TURKEY CROQUETTES (🎄xmas special)火鸡炸丸香脆嘅外皮 包住热辣辣嘅火鸡肉酱 外脆内软 食嘅时候要好小心 因为啲酱会爆出黎 食落去你会feel到有微微香草味 因为火鸡肉酱加咗鼠尾草同百里香 令到味道格外好清新-🍗CHICKEN POPPERS 炸三黄鸡脆脆 （原味或四川味）炸鸡真系即叫即炸 可以拣原味或者四川味 我哋拣咗四川味 鸡肉新鲜之余 外皮亦都非常爽脆 再加埋四川酱 非常惹味可口-🦐SHRIMP TACOS 墨西哥鲜虾炸云吞呢个炸云吞完全展现左中西合璧嘅味道 香脆墨西哥炸虾云吞再
餐厅系以fusion为主题 混合左中西日韩台墨式食材 每道菜式都有惊喜 有好多你谂唔到嘅配搭 但都出奇地好食
餐厅舒适阔落 装修系走新潮型格风 值得一提嘅系 餐厅侍应嘅服务态度超级好 非常热情同细心 同客人们有倾有讲
🎄The Holiday Menu for 2🎄
🎅🏻🤶🏻小包包二人套餐 $596两位
-
Appetizers前菜 (可选四样前菜）
-
😍TURKEY CROQUETTES (🎄xmas special)
火鸡炸丸
香脆嘅外皮 包住热辣辣嘅火鸡肉酱 外脆内软 食嘅时候要好小心 因为啲酱会爆出黎 食落去你会feel到有微微香草味 因为火鸡肉酱加咗鼠尾草同百里香 令到味道格外好清新
-
🍗CHICKEN POPPERS
炸三黄鸡脆脆 （原味或四川味）
炸鸡真系即叫即炸 可以拣原味或者四川味 我哋拣咗四川味 鸡肉新鲜之余 外皮亦都非常爽脆 再加埋四川酱 非常惹味可口
-
🦐SHRIMP TACOS
墨西哥鲜虾炸云吞
呢个炸云吞完全展现左中西合璧嘅味道 香脆墨西哥炸虾云吞再配牛油果酱 同埋四川菠萝莎莎 味道好特别 又酸又甜 都几开胃
-
🍟TRUFFLE FRIES
黑松露薯条
平时食得黑松露薯条多 今次依个truffle fries系加添左台湾同日本风味 除咗有热辣辣嘅薯条同埋浓浓嘅黑松露酱之外 仲加入左香葱卤肉香菇同埋日本黄瓜 虽然感觉上好九唔搭八 但又意外地好食 食到停唔到口
-
BAOS 包点 (可选两款包）
-
🫓XMAS DUCK BAOY（+$20)(🎄xmas special)
今次第一次食香酥鸭包 令我谂起北京填鸭 软绵绵嘅馒头包 包住大大件香酥鸭髀 再配合芥末酱同埋小红莓 食落去有好多唔同嘅口感味道 甜酸辣都齐晒 非常出色
-
🥩ANGUS BEEF BAO （+$20）
平时食开burger 今次食嘅创新中日西式burger味道非常有惊喜 烘过嘅白馒头包 夹住安格斯牛扒 牛扒好新鲜好juicy 配埋咸咸地嘅洋葱木鱼同好fresh嘅大葱紫苏叶 味道拍得住香港数一数二嘅burger
-
Dessert（可选两款甜品）
-
🍧PB & J GELATO BAO (+$25) (🎄xmas special)
花生酱脆脆配士多啤梨意大利式雪糕
呢个包包其实系炸馒头 中间放咗一层士多啤梨味雪糕 再加上花生酱 有啲似雪糕三文治嘅感觉 热辣辣嘅外皮 加埋冻冰冰嘅内馅 好满足😍
-
🍵MATCHA ICE CREAM BAO 炼奶绿茶雪糕包
香脆炸馒头包住香浓绿茶雪糕 真系外脆内软 加埋少少炼奶 简直系画龙点睛 高度推介大家叫
张贴
