天草漁場 (已結業)

终于都挨到星期六喇，返咗一个星期工真系好攰啊，所以约咗好朋友去食下好西。今次我哋嚟到铜锣湾边宁顿街食饭，呢一座大厦系新起好㗎，睇嚟迟啲又会有好多好野食喇！一去到六楼，出䢂就见到一间布置得好有日本feel嘅餐厅，叫做天草渔场，呢度主打日本烧烤。首先，先嚟一个汁煮花螺，煮花螺嘅汁几够浓郁，又够味，花螺啱啱好，冻食几正！跟著就系个熊本蕃薯烟豚，豚肉烟熏到好香，再同蕃薯一齐食，唔会好肥、好腻。日本烧烤又点少得烧海鲜，呢个烧扇贝好大粒，鲜味十足。呢个鸡翼唔系咁简单，叫大草大王鹅肝鸡翼，鸡翼入面酿咗鹅肝，鸡翼外皮好香脆，入面好软，大家可以试下。除咗食烧烤之外，我哋仲叫咗吞拿鱼刺身，有腩加赤身，吞拿鱼腩，好肥美；赤身又冇渣！身为饭团腔嘅我一定要叫番个烧饭团嚟食下，呢个黑松露烧饭团就啱哂我，下面脆卜卜，上面有一大片黑松露，好夹！日本野菜盛拌蕃茄味噌仲有芝麻雪糕大家喺铜锣湾又多一个选择喇！