勝八居酒屋 (已結業)

世界各地咁多国家嘅菜，试过咁多个，最钟意嘅离不开都系日本菜，佢嘅魅力真系没法挡！今次再到位于铜锣湾嘅胜八食日本菜，好彩我哋有预先订位，如果唔系就有排等喇！首先食个前菜，胜八沙律，除咗有基本嘅沙律菜之外，有豆腐粒、车厘茄粒，最特别嘅就系上面撒满粒粒炸芋丝，食落口脆卜卜，菜又爽口。下一个就系我好钟意食嘅小食，三文鱼子海胆豆腐，粒粒咸咸地嘅三文鱼子配上新鲜清甜嘅大大块海胆，食落好fresh，好夹！跟著就犀利喇，时令刺身三食，包括有活萤光鱿鱼、系撚鲷、连子鲷，萤光鱿鱼烟烟韧韧，两只鲷鱼都非常新鲜，一啲都唔腥，系撚鲷即系我哋平时食嘅红衫鱼，蘸酱油食，非常适合！食完刺身就食肉，呢个安格斯牛肉薄烧，入面包住葱粒同炸蒜片，牛肉个味道依然好出，入口即熔，正！最后整番个招牌清酒煮蚬，蚬肉大大粒，又冇沙，清酒味啱啱好，系出色之作！梅酒巨峰提子梳打胜八嘅魅力太厉害，我下次会再帮衬！