Sodam Chicken (已結業)

Sodam chicken呢间喺铜锣湾嘅韩式炸鸡专门店，除左佢哋嘅炸鸡放题好抵食之外，仲经常推出不少嘅期间限定口味，而呢次我哋去嘅时候就推出左极具东南亚嘅风味嘅炸鸡同焗鸡，分别系暹罗花生炸鸡同埋冬荫功焗鸡。前者嘅喺表面淋上浓郁花生味嘅酱汁，同炸鸡味道好夹，而后者食得出有好重嘅泰国香料，辣度适中，好似真系饮紧冬荫功汤一样。佢哋嘅放题仍然仲有一系列平时常驻嘅炸鸡分别系甜酸，辣味，香草青柠，浓蒜，蜜糖芥末香葱，柠檬柚子等。而无咁热气嘅焗鸡都仍然有蜜糖蒜香，双重芝士，韩风紫菜，喷火辣，BBQ香辣等口味，仲有大热嘅咸蛋黄口味就炸鸡同焗鸡都有。佢哋嘅炸鸡焗鸡表现仍然好出色，唔会因为系放题嘅关系而有所下降，仍然做到皮脆肉嫩，鸡肉肉汁丰腴，实属难得。佢哋除左炸鸡焗鸡外，仲有提供薄饼同小食。薄饼佢哋就提供左四款口味，你只需点一份就能试哂四款口味。小食方面有两款不同口味嘅薯条，有酸辣适中嘅泡菜，有酸酸清爽嘅萝卜，有两款韩式嘅凉拌小食，好似水冷面同埋鱿鱼，亦有香甜嘅牛油粟米同埋清爽解腻嘅黑醋汁沙律。