時代豆業

营业中

休息中

系铜锣湾食完野又想食少少甜点点算？可以试下呢间中式糕点店！呢间位于铜锣湾鹅颈桥附近，糕品嘅种类都几多咖！呢间店好细，卖嘅嘢一个橱窗睇到晒！砵仔糕、红豆糕、西米糕、白糖糕....应有尽有。大部分都系15蚊3件！今次买咗茶果、白糖糕同埋鸡士藤。鸡士藤大家应该好少见到，鸡士藤又名鸡屎藤，系用药用价值咖，可以解毒祛风！食落去烟烟韧韧，有少少草味，可惜冇馅！白糖糕比较薄，甜甜地冇酸味！但白糖糕系冇包装包住，如果买埋其他糕点，糕会直接掂住其他糕点嘅包装，感觉上冇甘卫生。茶果系三个糕点入面做得最出色嘅，一来甜度岩岩好，二来馅料适中不会太腻，三来同马士藤一样都系烟烟韧韧！唔错！整体而言，食物味道都中上，但每次光顾，店员都比较冷漠，比钱个都没有几乎交流，服务态度有待改善。