影片
更多
2019-10-30
1302 浏览
铜锣湾嘅楼上餐厅一向都唔错，呢晚嚟到位于谢斐道嘅呢间《Cafe Zense》，嘢食好食，坐得又舒服，值得推荐👍餐厅室内店面唔算特别大，但有好chill嘅室外位置，可惜我哋去到嘅时候室外已经full晒，唯有坐入面。我哋两个人都食咗少少嘢先嚟，所以只系叫咗个小食拼盘、意粉同甜品。见其他人嘅饮品卖相都好靓，有机会再嚟嘅话一定会试吓。餐厅嘅侍应唔算多，但客人就坐到full晒，所以食物都等得比较耐，又或者要挥好耐手先应到你，入咗餐厅都要等一阵先有人招呼你，如果加聘人手就更加好喇😛另外店员除咗一个女仔服务比较好之外，其他都好似比较木独，仲有个男店员serve人嘅时候唔会出声，连menu都系pat落枱，服务方面有待改善。话虽如此，但系食物嘅质素同环境又的确系唔错，每款菜式都系即叫即整，上枱时热辣辣，系抵等嘅🤤ZENSE杂锦拼盘（$138）ZENSE snack combo- 香草蜜烧鸡翼、蜜糖芥辣鸡柳串、招牌薯条、纽伦堡肠鸡翼外层搽咗蜜糖再烧，脆脆地，好似bbq烧嘅咁。烧鸡翼，我钟意食👅鸡柳串比较少见喺小食拼盘入面，但好够汁够味，而且唔鞋。薯条有啲KFC薯格嘅感觉，好食。肠仔就冇咩特别，都好食☺️
铜锣湾嘅楼上餐厅一向都唔错，呢晚嚟到位于谢斐道嘅呢间《Cafe Zense》，嘢食好食，坐得又舒服，值得推荐👍
餐厅室内店面唔算特别大，但有好chill嘅室外位置，可惜我哋去到嘅时候室外已经full晒，唯有坐入面。我哋两个人都食咗少少嘢先嚟，所以只系叫咗个小食拼盘、意粉同甜品。见其他人嘅饮品卖相都好靓，有机会再嚟嘅话一定会试吓。
餐厅嘅侍应唔算多，但客人就坐到full晒，所以食物都等得比较耐，又或者要挥好耐手先应到你，入咗餐厅都要等一阵先有人招呼你，如果加聘人手就更加好喇😛
另外店员除咗一个女仔服务比较好之外，其他都好似比较木独，仲有个男店员serve人嘅时候唔会出声，连menu都系pat落枱，服务方面有待改善。
话虽如此，但系食物嘅质素同环境又的确系唔错，每款菜式都系即叫即整，上枱时热辣辣，系抵等嘅🤤
ZENSE杂锦拼盘
$138
136 浏览
0 赞好
0 留言
ZENSE杂锦拼盘（$138）ZENSE snack combo
- 香草蜜烧鸡翼、蜜糖芥辣鸡柳串、招牌薯条、纽伦堡肠
鸡翼外层搽咗蜜糖再烧，脆脆地，好似bbq烧嘅咁。烧鸡翼，我钟意食👅
鸡柳串比较少见喺小食拼盘入面，但好够汁够味，而且唔鞋。
薯条有啲KFC薯格嘅感觉，好食。
肠仔就冇咩特别，都好食☺️
烟三文鱼莳萝柠檬忌廉意大利扁面（$118）Linguine with smoked salmon in lemon and dill cream sauce
意粉texture al dente，有咬口得嚟又唔会太硬👍
烟三文鱼咸嘅，柠檬就酸嘅，中和咗忌廉嘅腻感，味道层次都几丰富。
德式班戟伴冧酒脆糖香蕉、朱古力碎
$88
165 浏览
0 赞好
0 留言
德式班戟伴冧酒脆糖香蕉、朱古力碎（$88）Dutch baby pancake with caramelised banana
呢个真心推荐！！😍
香港好少餐厅有得食Dutch pancake，估唔到呢到有不特止仲好好食😛
成个pan上枱，份量好大。
Pancake侧边脆身，入面啲就软身啲，蛋味都几重。
面头有香蕉一开二、云呢拿雪糕、cream同朱古力酱，香蕉面头仲有层焦糖添！
值得encore嘅餐厅！！✨✨
-
Menu:
张贴
