Chez Bistro (已結業)

lunch time时间如果要系铜锣湾地面揾食，相信大家都有苦自知。呢间餐厅系times square后面，地点方便，但人流就少好多，可以静静食餐饭真系好开心!今日一行四人都系第一次食呢间餐厅，set lunch $158有2个courses包饮品。可选汤或沙律，加一款主菜，另加$10有埋甜品。由于餐单间唔时会转，所以就冇影底，但猪牛鸡鱼都有得拣，set lunch黎讲选择都好多下。因为天气冻，所以拣左餐汤。好好饮!最怕忌廉汤杰身、得奶味，呢款汤好香菇味，饮完唔会饱饱滞滞，而且食到好多菇粒，自我感觉好似食左少少菜落肚，冇咁罪恶感。我地4个有3个都拣左呢款个名好得人惊既屠夫牛柳条...好想问点解要改个咁吓人既名...牛柳超超超lum!食牛有牛味，同时有3款酱料可选:辣味芥末、蜜糖芥末，唔辣个款唔记得叫咩名、味道好淡(车厘茄前面)。3款酱料都好食，芥末味亦唔会太浓，唔受得到芥末阵味既朋友亦可试下。基本上我系连配菜都清埋，一粒不剩!另1位朋友要左法国黄油鸡，但切开有少少唔熟，扣分...跟餐加既甜品得一款，是日系十分大路既芝士蛋糕。无甚特别，唔会太甜，可以叫一件开心些牙。不过咁细件cake，只