影片
更多
2018-10-21
385 浏览
今晚难得肥妹仔嘅屋企人都喺铜锣湾度收工，肥妹仔决定同肥爸肥妈佢哋一齐去试一间点心专门店食晚饭，因为真系有阵时食得西餐多都会闷闷哋想转下新口味。笼太子虾饺皇 $30肥妹仔我系虾饺爱好者，去到边都会叫一笼虾饺食。呢一度嘅虾饺真系冇得顶!先讲佢个皮，皮薄口感烟韧， 虾饺入面嘅虾肉大大粒，爽口弹牙，超级好食。鹌鹑蛋烧卖 $28平时烧卖就食得多，鹌鹑蛋烧卖都几小食。难得见到就叫咗一客嚟试下。佢嘅卖点就系𠮶粒鹌鹑蛋，鹌鹑蛋嘅size都唔细，爽口弹牙，烧卖入面嘅猪肉馅料好香，一啲都唔油腻。黑椒金钱肚 $29金钱肚系肥爸嘅至爱，每次去饮茶都会叫嚟食。呢一度嘅金钱肚蒸到好软谂，一啲都唔韧，而且好香黑椒味。下面仲有一啲乌冬垫底，乌冬吸唒金钱肚嘅酱汁，超级入味。药膳鸡脚 $24呢一个鸡脚真系肥妹仔要畀手指公，平时肥妹仔食开都系鲍汁鸡脚，第一次食药膳鸡脚。佢嘅鸡脚又系吸满了咗佢嘅药膳汤汁嘅味道，清清哋，好食。但系肥妹仔觉得最好食嘅唔系佢嘅鸡脚，而系呢一个药膳汤汁，真系超级清甜，完全冇任何味精，饮完仲会想再饮多碗。多汁小笼包 $24老老实实，肥妹仔喺一啲唔系专食上海菜嘅地方如果嗌小笼包系完全唔会期待佢有汤
今晚难得肥妹仔嘅屋企人都喺铜锣湾度收工，肥妹仔决定同肥爸肥妈佢哋一齐去试一间点心专门店食晚饭，因为真系有阵时食得西餐多都会闷闷哋想转下新口味。
笼太子虾饺皇 $30
肥妹仔我系虾饺爱好者，去到边都会叫一笼虾饺食。呢一度嘅虾饺真系冇得顶!先讲佢个皮，皮薄口感烟韧， 虾饺入面嘅虾肉大大粒，爽口弹牙，超级好食。
鹌鹑蛋烧卖 $28
平时烧卖就食得多，鹌鹑蛋烧卖都几小食。难得见到就叫咗一客嚟试下。佢嘅卖点就系𠮶粒鹌鹑蛋，鹌鹑蛋嘅size都唔细，爽口弹牙，烧卖入面嘅猪肉馅料好香，一啲都唔油腻。
黑椒金钱肚 $29
金钱肚系肥爸嘅至爱，每次去饮茶都会叫嚟食。呢一度嘅金钱肚蒸到好软谂，一啲都唔韧，而且好香黑椒味。下面仲有一啲乌冬垫底，乌冬吸唒金钱肚嘅酱汁，超级入味。
药膳鸡脚 $24
呢一个鸡脚真系肥妹仔要畀手指公，平时肥妹仔食开都系鲍汁鸡脚，第一次食药膳鸡脚。佢嘅鸡脚又系吸满了咗佢嘅药膳汤汁嘅味道，清清哋，好食。但系肥妹仔觉得最好食嘅唔系佢嘅鸡脚，而系呢一个药膳汤汁，真系超级清甜，完全冇任何味精，饮完仲会想再饮多碗。
多汁小笼包 $24
老老实实，肥妹仔喺一啲唔系专食上海菜嘅地方如果嗌小笼包系完全唔会期待佢有汤汁爆出嚟嘅感觉，但系呢一度嘅小笼包系令肥妹仔我完全改观咗!佢嘅小笼包真系有好多汤汁，咬一口落去除咗食到好香嘅猪肉馅料外，仲饮到好甜好香嘅汤汁，正。
姜葱牛柏叶 $26
牛柏叶本身系一啲冇味嘅食材，真系好靠佢嘅酱汁帮佢提味。呢度嘅牛柏叶口感比较爽脆。好有咬口。
香葱海鲜芝士薄撑 $29
系人都知肥妹仔我系超级钟意食脆口嘢嘅。呢一度嘅香葱薄撑完全满足到我嘅欲望，佢煎到非常香脆，葱非常多，食落去有满满嘅香葱味，而佢嘅芝士脆边亦令到呢一个薄撑有一种好香嘅芝士味，不得了。
虾肠 $30
呢一个虾肠又系肥妈食到赞不绝口，因为佢嘅虾肠除咗虾肉非常爽口弹牙之外，其实佢嘅重点系佢嘅肠粉皮真系超级香米香味，同埋超级烟韧，又唔会过份厚，点一啲甜豉油食，超级好食。
不是炸两肠 $29
真系个名都好搞笑，系呀!佢唔系普通嘅炸两肠，而系入面除咗有油炸鬼，仲会包咗一啲好似萝卜丝酥嘅馅料，食落去口感非常丰富，又有肠粉嘅烟韧，又有炸両嘅脆度，好好食。
凤爪排骨饭 $30
话明食晚餐，又点可以唔食饭呢？凤爪排骨饭嘅凤爪排骨分量超级多，淋上香甜嘅甜豉油食，粒粒饭都吸满酱汁同埋排骨油香， 好味。
咸鱼肉饼饭 $30
另外仲叫咗一个咸鱼肉饼饭，佢嘅肉饼蒸到非常香，除咗有咸鱼嘅香味之外，仲有本身肉饼嘅猪肉香，唔会太过柴，捞埋饭一齐食好好食。
海皇芝士千丝卷 $30
见到台枱食客都会叫呢一个食，肥妹仔我当然唔执输叫返过嚟试下啦!佢外面嘅脆丝炸到非常香口，而入面就有一啲海鲜馅料，食落去香脆可口。
香芒沙律盏 $24
呢一个香芒沙律盏系将一啲新鲜嘅水果捞沙律酱放喺一个脆筒上，食落去非常fresh!!!水果清甜，好好食。
老火汤 $16
是日精选系虫草花汤， 肥妹仔我试饮咗一啖，真系亦都系好好饮，因为完全冇味精，饮落去除咗系好清甜之外，已经冇形容词可以形容到佢，佢呢度嘅汤品真系做得一绝。
张贴
