華倫餐廳 (已結業)

港式茶餐厅周街都系，一般俾人嘅感觉都比较「豪迈」「霸气」「那渣」，呢间礼顿道华伦餐厅，令我对茶记改观。宽敞铺面楼底好高，柔和嘅灯光，俾人好舒服嘅感觉，而且侍应uncle服务态度一流。当中呢份咸蛋四宝饭，大大碟卖相「靓靓仔仔」，唔系求其斩俾你𠮶只！叉烧半肥瘦腍身，食落有蜜汁甜，仲有啲炭烧感觉。切鸡香滑淡淡肉，唔似一般𠮶啲「冚唪唥」都系骨！至于另外一样招牌菜就系流沙西多士！话明系流沙 ，当然最紧要系够「流」，见佢外型同一般差唔多，本身冇抱太大期望。点知一切开…哗😱唔系讲笑㖞…奶黄即刻排山倒海咁涌出来，阵阵蛋香，食落甜而不漏，好松软，入面仲咬到蛋黄颗粒。糖浆系另上，甜度可以自己调教。