雞翼山 (謝斐道) (已結業)

今日去咗铜锣湾食鸡翼山， 作为一个下午茶，佢系一个几好嘅选择， 不过就冇位坐 全程要企，因为店舖唔大。今次叫咗佢嘅菠萝啤酒鸡翼，感觉啤酒味唔重，但系上面就有满满嘅菠萝，味道算唔错酸酸甜甜系炸嘅都几脆。定系嗌咗韩国蟹膏鸡翼 ，上面有浓厚嘅蟹膏，再加埋脆脆嘅鸡翼皮， 蟹柳丝配搭住蟹籽，味道简直一流， 我个人觉得最好食就系呢一个。 第三款鸡翼我嗌咗玫瑰蜜糖鸡翼， 呢个系烤鸡翼， 用蜜糖烤到个皮脆一脆， 味道都算唔错。 呢个餐送咗一杯嘢饮，我叫咗士多啤梨石榴梳打， 士多啤梨味浓， 不过自己觉得有少少似药水味。