大鑊 (已結業)

见到张点餐纸真系样样都想试下，最后点左100斤番茄浓汤+薯粉。𩠌菜方面有美颜腐竹，冬菇，卤水猪肠，鱼腐，松叶蟹棒😍😍😍仲有手摇香芋珍珠奶茶，同小食炸神户饺子🥟。 炸饺子🥟外脆内软又Juicy🤤手摇香芋珍珠奶茶🧋淡淡香芋味，唔系药水味架，所以非常好饮，珍珠又够chewy🤗 。讲返个面，汤底十分重要‼️ 100斤番茄🍅浓汤个名真系好吸引，唔系加茄膏整出嚟嘅，所以个汤底非常清甜，完全冇味精感觉，直头可以饮哂D汤。另外卤水猪肠真系非常之入味，而且入口即溶，果然系推介。仲有大大条松叶蟹柳，啖啖肉大满足。本身个面会包场芽菜，韭菜同芫荽，所以配菜加埋够晒份量。店员仲非常之友善，介绍点菜内容，推介菜单，真系好难得食面都有咁嘅服务质素。