影片
更多
2023-06-11
200 浏览
为左报答表妹系忙碌中抽左好多时间帮大少温习数学，所以就同佢去撑枱脚食好嘢，所以就拣左嚟铜锣湾嘅Urban coffee Roaster，就系钟意依度环境好清静好relax，慢慢边食边倾够晒 chill呀~先嚟一份 烧虎虾带子田园沙律配柠檬油醋汁 ，大大只嘅烧虎虾加上带子，同埋新鲜嘅沙律菜，再配埋带点微酸嘅醋汁一齐食，口感清新得嚟又开胃~我嘅85% 黑朱古力奶，佢朱古力味好浓厚，而且唔会太甜，亦冇我想像中咁苦，感觉都唔错嘅。表妹就来一杯热姜黄柠檬姜茶，佢话个柠檬同姜味两者都好夹，而佢带点点辛辣味，所以饮完成身都暖笠笠~之后我地就叫左两份主菜齐齐食，先嚟我最期待嘅 松叶蟹肉软壳蟹饭，因为真系冇谂过系西餐厅可以食到日式菜式。一送到嚟都真系哗左一声，竟然有原只手掌咁软壳蟹，而佢炸到外脆内软，入口脆卜卜，再加埋温泉蛋、蟹肉、蟹籽同青瓜丝一齐食，口感就好丰富，真系好有惊喜呢~另外就叫左 慢煮猪肋汉堡配薯条 ，佢嘅份量都好足，原块厚身嘅猪肋煎香后仍然好腍，配埋椰菜沙律同埋软属嘅包包，好惹味呀~整体上感觉都唔错，系铜锣湾都真系比较少又大又坐得舒服而且又唔太贵嘅餐厅，所以我地都话下次要再嚟依度HEA住食
先嚟一份 烧虎虾带子田园沙律配柠檬油醋汁 ，大大只嘅烧虎虾加上带子，同埋新鲜嘅沙律菜，再配埋带点微酸嘅醋汁一齐食，口感清新得嚟又开胃~
我嘅85% 黑朱古力奶，佢朱古力味好浓厚，而且唔会太甜，亦冇我想像中咁苦，感觉都唔错嘅。表妹就来一杯热姜黄柠檬姜茶，佢话个柠檬同姜味两者都好夹，而佢带点点辛辣味，所以饮完成身都暖笠笠~
之后我地就叫左两份主菜齐齐食，先嚟我最期待嘅 松叶蟹肉软壳蟹饭，因为真系冇谂过系西餐厅可以食到日式菜式。一送到嚟都真系哗左一声，竟然有原只手掌咁软壳蟹，而佢炸到外脆内软，入口脆卜卜，再加埋温泉蛋、蟹肉、蟹籽同青瓜丝一齐食，口感就好丰富，真系好有惊喜呢~
另外就叫左 慢煮猪肋汉堡配薯条 ，佢嘅份量都好足，原块厚身嘅猪肋煎香后仍然好腍，配埋椰菜沙律同埋软属嘅包包，好惹味呀~
整体上感觉都唔错，系铜锣湾都真系比较少又大又坐得舒服而且又唔太贵嘅餐厅，所以我地都话下次要再嚟依度HEA住食呀！
张贴
