119 大口銀針粉 (已搬遷) 新店位置

近排银针粉大热，见到唔少杂志都有介绍，仲讲到话有专门店，当然益有晒我哋呢班大食家，讲紧嘅系喺旺角嘅 119 大口银针粉，烟韧嘅口感，有D童年回忆，好想去试吓。今日，星期日，咁啱喺旺角行完街，顺便去帮衬吓，其实，行街路线系悉心经营出离㗎，应该话专登要去帮衬先至真。离远已经见到好多人等紧位，但系座位好少，唯有买外卖返屋企食。就叫咗一碗银针粉，同埋一碗墨鱼胶虾胶，银针粉劲多料，仲系大大片个只，有鱼片、冬菇，仲有鱿鱼，精华所在绝对系D葱花，有佢地成碗变得生色好多，又香又惹味，银针粉仲好弹牙，唔会因为外卖焗到淋晒，好好味。墨鱼胶虾胶，大大粒，咬落口都好弹牙，粒粒都有墨鱼肉同虾肉喺里面，清清地，都几好食，不过自己都系钟意银针粉多D。