影片
更多
2022-06-28
101 浏览
由于成日跑步去尖沙咀嘅关系，K11 Musea真系成日都去嘅选择，当然，个度好多食肆，但唔系餐餐都要食得好豪，最紧要系好食又唔难等位，基于成日系呢度睇戏，食得快都好紧要。The Pot Spot 走嘅系中菜路线，由阿一鲍鱼徒孙设计的中式fusion菜式 ，有不同嘅炖汤，凉快嘅小食，主食有好似丼饭嘅设计，但食嘅系鲍参刺肚，仲有不同嘅中式如虾酱、山药、牛脸颊选择等等，记得平时food playground 大部分系西日食店较多，呢个快餐形式但又食到贵价食材，最紧要价钱合理，好紧要。佢嘅餐有汤有点心有主食，你如果想豪少少可以选择一些贵价选择，一定食得你高与，食物质素高而且大份慷慨，咁都系$120到，其他店可能都咁贵，但食嘅一定无咁靓。当日朋友几个，试小食嘅选择多，藤椒鲍鱼、麻辣爽花胶同黄金虾多士，样样好睇得，似贵价中菜，当中最爱麻辣爽花胶，个麻辣唔算太抢喉，丝丝口感配上花胶滑顺，正。汤有好多你拣，爱汤水的一定目不暇给，当日有杞淮虫草花炖花胶、三果雪莲子炖海海底椰、珍菌云腿炖冬瓜汤同沙参玉竹雪耳苹果汤，好闷嘅我当然又系花胶，其水准直逼全盛时期的椰小盎，值得来试几种唔同汤品。饭嘅选择真系好多而且
The Pot Spot 走嘅系中菜路线，由阿一鲍鱼徒孙设计的中式fusion菜式 ，有不同嘅炖汤，凉快嘅小食，主食有好似丼饭嘅设计，但食嘅系鲍参刺肚，仲有不同嘅中式如虾酱、山药、牛脸颊选择等等，记得平时food playground 大部分系西日食店较多，呢个快餐形式但又食到贵价食材，最紧要价钱合理，好紧要。
佢嘅餐有汤有点心有主食，你如果想豪少少可以选择一些贵价选择，一定食得你高与，食物质素高而且大份慷慨，咁都系$120到，其他店可能都咁贵，但食嘅一定无咁靓。
当日朋友几个，试小食嘅选择多，藤椒鲍鱼、麻辣爽花胶同黄金虾多士，样样好睇得，似贵价中菜，当中最爱麻辣爽花胶，个麻辣唔算太抢喉，丝丝口感配上花胶滑顺，正。
汤有好多你拣，爱汤水的一定目不暇给，当日有杞淮虫草花炖花胶、三果雪莲子炖海海底椰、珍菌云腿炖冬瓜汤同沙参玉竹雪耳苹果汤，好闷嘅我当然又系花胶，其水准直逼全盛时期的椰小盎，值得来试几种唔同汤品。
饭嘅选择真系好多而且特别，例如八年陈皮砵酒炖牛脸颊、酸菜脆炸鲷鱼饭、斤両·鲍汁花胶刺参捞饭、温泉蛋鲍鱼葱油培根脆脆拌饭、别不同虫草花山药鸡饭、大澳虾酱豚肉饭，我地都食咗几个特别嘅可以分享下。
别不同虫草花山药鸡饭系最爱，炸过嘅虫草真系几唔同，脆脆地，好好送饭，加上另一好健康嘅山药，加上件件的鸡件，捞下豉油，好好食。
温泉蛋鲍鱼葱油培根脆脆拌饭又系豪华风格，咁样配搭好少见。
虾酱豚肉饭就传统少少，虾酱嘅香同肥肥地嘅豚肉好夹，仲有豆腐送，加上捞饭一流嘅甜豉油，如果你系平时大澳虾酱嘅朋友，一定会爱上。
最豪一定系斤両·鲍汁花胶刺参捞饭，睇食乜都知食，花胶同小食质素一样咁得，参就唔算大条，不过好爽口，最重要个酱汁非常好捞饭，呢个同别不同虫草花山药鸡一样系我大推。
有机会系商场行街食饭的话，要试下呢间新餐厅，特别系呢排K11闷闷地，有呢个新选择又好质素，无理由唔试。
张贴
