影片
更多
2021-02-12
622 浏览
KOK KOK最近疫情咁严重，我地都少咗去多人嘅地方，今次就拣咗去大西北郊游🐂，去到元朗锦田食好西🍴。去到元朗国就食下啲外国嘢啦，最后就去咗KOK KOK食泰国菜🇹🇭。.泰式黄咖哩 配鸡肉及薄饼 $58Thai Yellow Curry Paste with Chicken and Roti食泰国菜点会少得咖哩呢？💛 但KOK KOK似乎只得一款咖喱，就系黄咖喱。黄咖喱系喺众多咖哩之中，口味比较温和同无咁辣嘅，颜色来自姜黄粉。配料有洋葱🧅、草菇、蕃茄🍅、青椒🫑，肉类可以拣猪、鸡或者素菜。KOK KOK嘅黄咖喱味道唔错，配埋薄饼食好好味🫓。鸡都几嫩滑，唔会好老，不过配料方面就略嫌生咗啲，好似洋葱咁，虽然有口感，但感觉上味道无同咖喱混合埋一齐。.炸虾饼 +$20Deep Fried Shrimp Cake午市时间加$20就可以叫埋小食，我地就拣咗炸虾饼🦐，虾饼有两嚿，KOK KOK细心咁分开咗一半，方便客人Share，配埋泰式甜酸酱无得输啦！.冬阴公汤河 $48Tom Yum Soup with Noodles另外就叫咗个冬阴公汤河🍜，味道酸酸甜甜，好开胃。河粉系泰国嘅粗河粉，配料有虾肉同
最近疫情咁严重，我地都少咗去多人嘅地方，今次就拣咗去大西北郊游🐂，去到元朗锦田食好西🍴。去到元朗国就食下啲外国嘢啦，最后就去咗KOK KOK食泰国菜🇹🇭。
.
泰式黄咖哩 配鸡肉及薄饼 $58
Thai Yellow Curry Paste with Chicken and Roti
食泰国菜点会少得咖哩呢？💛 但KOK KOK似乎只得一款咖喱，就系黄咖喱。黄咖喱系喺众多咖哩之中，口味比较温和同无咁辣嘅，颜色来自姜黄粉。配料有洋葱🧅、草菇、蕃茄🍅、青椒🫑，肉类可以拣猪、鸡或者素菜。KOK KOK嘅黄咖喱味道唔错，配埋薄饼食好好味🫓。鸡都几嫩滑，唔会好老，不过配料方面就略嫌生咗啲，好似洋葱咁，虽然有口感，但感觉上味道无同咖喱混合埋一齐。
.
炸虾饼 +$20
Deep Fried Shrimp Cake
午市时间加$20就可以叫埋小食，我地就拣咗炸虾饼🦐，虾饼有两嚿，KOK KOK细心咁分开咗一半，方便客人Share，配埋泰式甜酸酱无得输啦！
.
冬阴公汤河 $48
Tom Yum Soup with Noodles
另外就叫咗个冬阴公汤河🍜，味道酸酸甜甜，好开胃。河粉系泰国嘅粗河粉，配料有虾肉同蕃茄仔，份量啱啱，依个价钱真系算平靓正啦！
.
KOK KOK就喺锦田嘅红砖屋附近，当日就算系假日都无咩餐厅开门做生意，附近亦唔系好多餐厅，所以KOK KOK都几多人排队㗎，想去就要预多啲时间啦。 好彩揾到依间良心小店食下泰国菜，当系去咗旅行啦！
.
Follow us on Instagram - Foodastics
张贴
