大快活

营业中

休息中

今日有啲挂住系大快活先有嘅𠮶只脆皮肠，所以就嚟咗大快活食早餐，回望返先发觉原来我一个月之前先上嚟伏过一次热奶茶咋㖞，我完全唔记得咗添，不过今次嗌左个冻奶茶又唔伏㖞，够哂茶味，而个辣酱肉米啲肉碎劲多，多到食哂啲米粉都仲有肉碎啊。虽然大快活嘅感觉硬系比起美心同埋大家乐低一点，不过晨早流流呢个辣酱肉米同埋长一点嘅脆皮肠，相信系要呢度先有。另外不得不提今日换咗一个比上次年长同埋宽阔嘅收银姐姐，不过佢笃芒嘅速度劲快，同佢个外表完全成反比，令我喺八秒之内已经完成落单，喺每日冲锋陷阵嘅早晨里面，抵赞。