老闆娘雲南米線

营业中

休息中

呢间以前被誉为隐世好食嘅米线，相信而家已经唔再隐世，已经变成长期排队嘅米线店。当日六点未够去到排队，等咗10分钟就已经可以入去食。呢间米线舖比较特别嘅系店员好有系统咁样安排入座，点好晒餐之后佢亦都会顺序上餐。点咗呢度出名嘅唔同炸物，店员好好佢都会分碟上，唔会放到汤里面浸到淋晒。鲮鱼球弹牙出色。春卷大份，里面嘅馅系用唔同嘅茹做，比较特别。鸡球一份三粒，每粒都系比出边嘅日式鸡球更大，但味道普通。至于炸猪扒就比较薄同埋干身，建议试其他炸物更好。至于米线嘅汤底一个嗌咗小辣，另一个嗌咗中辣，颜色上见到有明显嘅分别。汤底嘅味道有少少似连锁店云贵香嘅味道，未算系太特别。