影片
更多
2024-03-06
86 浏览
黎到长沙湾，有唔少朋友曾经推介雪山冰厅，横掂今日咁岩又系附近，就同朋友再试下呢度招牌菜式。<始祖椒盐猪扒饭(炒底)>一上枱已经闻到香喷喷，猪扒够晒「谂」而且餣得好惹味，肉质唔会干争争。炒饭粒粒分明，唔算话好干身，有少少湿润，干身比较好定有少少湿的质感，呢个就视乎大家口味。另外椒盐猪扒的味道渗入饭里，食落去会有令你继续想食的感觉。的确系几高质素，唔怪之佢会自称为招牌菜之一。<榛子酱西多士>呢度的西多士系厚切，平时好多时会用花生酱，呢度就用榛子酱。呢度的榛子酱唔会太甜，又唔会做到「妹仔大过主人婆」的效果，俾榛子酱抢晒本身西多士的味道。配埋牛油同埋蜜糖，的确系邪恶之选。<避风塘炸鸡脾>雪山的避风塘炸鸡脾系即场生炸，所以要等15分钟。而即场生炸除左皮够脆外，最重要可以保持肉质Juicy。另外，好多时炸脾有个唔好食的地方系只系得鸡皮入味，而鸡肉系无乜味，但雪山的鸡脾系依然入味。<樽仔奶茶>雪山的樽仔奶茶都好出名，奶茶够香滑，茶底够厚，黎到雪山饮品首选。整体而言，雪山都有唔少招牌菜，同时都仍然Keep到高水准。好多时茶餐厅去到夜晚只会
<始祖椒盐猪扒饭(炒底)>
一上枱已经闻到香喷喷，猪扒够晒「谂」而且餣得好惹味，肉质唔会干争争。炒饭粒粒分明，唔算话好干身，有少少湿润，干身比较好定有少少湿的质感，呢个就视乎大家口味。另外椒盐猪扒的味道渗入饭里，食落去会有令你继续想食的感觉。的确系几高质素，唔怪之佢会自称为招牌菜之一。
<榛子酱西多士>
呢度的西多士系厚切，平时好多时会用花生酱，呢度就用榛子酱。呢度的榛子酱唔会太甜，又唔会做到「妹仔大过主人婆」的效果，俾榛子酱抢晒本身西多士的味道。配埋牛油同埋蜜糖，的确系邪恶之选。
<避风塘炸鸡脾>
雪山的避风塘炸鸡脾系即场生炸，所以要等15分钟。而即场生炸除左皮够脆外，最重要可以保持肉质Juicy。另外，好多时炸脾有个唔好食的地方系只系得鸡皮入味，而鸡肉系无乜味，但雪山的鸡脾系依然入味。
<樽仔奶茶>
雪山的樽仔奶茶都好出名，奶茶够香滑，茶底够厚，黎到雪山饮品首选。
整体而言，雪山都有唔少招牌菜，同时都仍然Keep到高水准。好多时茶餐厅去到夜晚只会得番常餐先可以食得到早午餐或下午茶的食品。但雪山居然可以全日供应，呢个都系其中一个要赞的地方。
张贴
