焯記

营业中

休息中

经朋友介绍，今日黎长沙湾焯记食左晚餐。焯记系长沙湾一间主打上海面既粉面店，店内装饰精致得黎带点怀旧。炸猪扒上海面系焯记嘅招牌之一，用嘅系日式汤底，味道浓郁，配上炸得金黄香脆嘅猪扒，外脆内嫩，真系一流。上海面够弹牙，每张枱都有啲樱花虾辣酱，我落咗少少，发觉意外地香，加上本身日式汤底，每一啖都好满足😋辣鱿鱼真系好正，够哂弹牙，辣味适中，每一啖都食到鱿鱼嘅鲜味，真系好开胃🤤鸡肾串处理得好干净，冇腥味，配埋佢地自家制樱花虾辣椒油，食落一流😙凉拌木耳爽口清新，十分开胃👍🏻咖喱牛腩饭既牛腩炖得好淋，入口即溶，咖喱汁浓郁香辣，渗入每一粒饭，值得推介😎焯记粉面无论系主食定系小食都好有水准，价钱亦都好亲民，唔怪得我朋友都当正自己饭堂咁成日食😂