Boholic

营业中

休息中

以前喺荔枝角返工，食过一间几好食嘅打卡西餐厅，环境几靓，连个厕所都有大量干花装饰，所以今次约旧同事叙旧都拣呢间餐厅。今次系喺度第一次食dinner ，散叫为主，先嚟第一碟芝士焗澳洲薯皮，其实系迷你焗薯上面铺咗芝士，非常邪恶，每一啖芝士咸香都完美地同薯仔结合🤤主菜拣咗美式BBQ酱烤焗西班牙猪肋骨，猪肋骨好多肉，焗得劲腍，肉质近乎入口即溶！配菜仲有洋葱圈同埋烧菠萝，特别一赞烧菠萝好大嚿好多汁👍🏻甜品要咗开心果奶盖疏乎厘班戟，充满蛋味嘅疏乎厘配上充满开心果忌廉，松软之中，带有果仁香味，而且完全唔腻，甜度适中，好食！饮品要咗Bailey’s Banana Coconut smoothie，呢个cocktail相当出色，顶层有椰子cream，饮落有Bailey’s嘅酒香，好饮过好多酒吧！朋友要咗黑糖伯爵茶鲜奶咖啡都觉得味道几特别。整体质素唔错，环境好适合倾偈，嘢食又好味，值得再嚟食！