焯記

营业中

休息中

今日睇完戏，之后想揾啲暖肚嘅野嚟食。上openrice见到呢间主打上海面嘅舖头，仲话个汤底是日式汤底，就决定一试。去到都好光猛，入面都坐满左七八成。佢个餐牌都好简单，好快我哋就叫左一碗炸猪扒上海面同一碗猪肉丸米粉，另外每碗都送左一份凉菜，我哋要左冷豆腐同凉伴木耳。小食我哋要左一份卤水拼盘，一份炸烧卖同一碟无骨凤爪。饮品我哋加配左一支乌龙冷泡茶，一支茉莉冷泡茶，每样都系加五蚊。碗汤面上枱热辣辣，就咁饮都已经好入味，如果唔怕辣，仲可以加餐厅自家制嘅樱花虾油，辣得嚟又有特别嘅感觉。炸猪扒好大份，猪肉丸都好实净，而两碗面都好够食，唔会煮过头。而啲小食都好唔错，凉菜细细份但好香口，卤水拼盘食落好爽口，虽然无左生肠，但可以自己拣翻一条补数。炸烧卖有五粒，点埋个甜酸酱就好好食。凤爪有啲啲辣但无骨食落就好爽。饮品就大大支，够冻都好饮。咁样叫都唔使二百蚊，好值得一试！#长沙湾美食 #香港美食 #香港必食 #香港探店 #香港打卡 #香港旅游 #香港必喝 #长沙湾探店 #香港好去处 #长沙湾推荐食品