影片
更多
2024-09-01
222 浏览
上次行过餐厅门口觉得啲装修好靓好吸引，以为系居酒屋，点知系食寿喜烧。谂住揾次就过嚟试吓，一试真系觉得值得写返篇嘢推荐俾大家，唔净止啲装修，啲嘢食都好高质，同埋觉得系有俾心机去谂。啲店员都好nice，系我影紧相嘅时候系咁话我系影相担当，搞到我都唔系几好意思。‣ 岩手县和牛 & 顶级美国极黑牛颈脊寿喜烧黑松露炖饭 $548和牛真系和牛，搭配寿喜烧汁真系冇得弹，捞埋蛋液一齐入口，极致滑溜，连带啲油香味都提升咗去另一个层次。而牛颈脊相对上口感扎实少少，但系个牛味就好出，入口都系好滑好舒服。最正系有专人帮你烧埋，唔使担心自己烧坏咗块牛肉。而佢嘅黑松露炖饭喺个职员不断搅拌嘅时候，已经散发出极浓郁嘅黑松露味，而收干酱汁嘅时候食就觉得超邪恶同埋不得了，超级好食，个味道超级浓郁，而且仲吸收咗啲牛嘅精华，真系停都停唔到口。· 小食（鸡皮饺子 & 明太子玉子烧）平时啲鸡皮饺子冇咁大只，呢度啲鸡皮饺子脆卜卜得嚟都大大只，食落去嘅时候啖啖肉好满足。至于明太子玉子烧嘅明太子酱整得好好食，佢嘅玉子烧虽然个味道偏甜，但系都符合我嘅口味。· 刺身拼盘个串烧拼盘转咗做刺身拼盘，啲鱼生相当新鲜，我几钟意赤虾，厚肉而且唔腥。
‣ 岩手县和牛 & 顶级美国极黑牛颈脊寿喜烧黑松露炖饭 $548
和牛真系和牛，搭配寿喜烧汁真系冇得弹，捞埋蛋液一齐入口，极致滑溜，连带啲油香味都提升咗去另一个层次。而牛颈脊相对上口感扎实少少，但系个牛味就好出，入口都系好滑好舒服。最正系有专人帮你烧埋，唔使担心自己烧坏咗块牛肉。
而佢嘅黑松露炖饭喺个职员不断搅拌嘅时候，已经散发出极浓郁嘅黑松露味，而收干酱汁嘅时候食就觉得超邪恶同埋不得了，超级好食，个味道超级浓郁，而且仲吸收咗啲牛嘅精华，真系停都停唔到口。
· 小食（鸡皮饺子 & 明太子玉子烧）
平时啲鸡皮饺子冇咁大只，呢度啲鸡皮饺子脆卜卜得嚟都大大只，食落去嘅时候啖啖肉好满足。至于明太子玉子烧嘅明太子酱整得好好食，佢嘅玉子烧虽然个味道偏甜，但系都符合我嘅口味。
· 刺身拼盘
个串烧拼盘转咗做刺身拼盘，啲鱼生相当新鲜，我几钟意赤虾，厚肉而且唔腥。而三文鱼、油甘鱼同八爪鱼入口都系好舒服，绝对唔会有冰感。觉得都几惊喜，因为如果系串烧都会担心有啲腻，反而转刺身又会清新啲，又会冇咁大罪恶感。
· 菠萝百香果乳酪乌龙 ＋$30
菠萝百香果乳酪好清新，我觉得最特别系你会分别饮得出菠萝、百香果同埋乳酪嘅味道，最后带出少少嘅茶味，解腻一流。
· 青提乳酪乌龙 ＋$30
我自己比较钟意青提乳酪，入面真系有大大粒果肉，酸甜适中，都系比较清新嘅嘢饮，就算食啲好腻嘅嘢都唔怕。
· 开心果椰奶杂莓冰 ＋$128
一上枱嘅时候就「哗」出声，卖相相当吸引同埋份量都好足，粉红色嘅鲷鱼烧我以为咬落去会系软腍腍，点知系士多啤梨味嘅脆饼，比我想像中好食。开心果酱味道相当浓郁，而且我好钟意佢嘅冰底系椰奶，唔会话淡茂茂唔知自己食紧咩。中间佢都放咗好多杂莓，平衡返个甜腻感，所以不知不觉就食咗好多，我哋最后都系唔舍得食个牛奶妹，摆喺到真系好好睇。
张贴
