BOM Cuisine (已結業)

今日放假，母亲大人话想食西餐，就黎到位于长沙湾青山道的Bom Cuisine。(之后先知原来系食葡国菜)我地一点左右去到唔驶等位，但一路就陆陆续续有人黎，好快就坐满了。店员递上Menu, 好多选择，我拣左美国猪肉眼扒，而母亲大人就拣左澳洲肉眼牛扒，但佢唔敢食太生，所以拣左7成熟。首先店员送上是日餐汤︰南瓜汤同鲜榨西瓜汁。南瓜汤淡淡地，连我平时唔钟意食南瓜的都饮得哂。而西瓜汁系Special offer, 叫什餐就一杯，好耐无饮过，好重西瓜味，仲有D西瓜蓉~主菜上场，先系澳洲肉眼西瓜汁扒 ，母亲大人担心七成熟会好硬，但竟然唔会，好淋好易切，肉质都嫩滑，牛肉味香浓，而肉眼扒配上波特酒汁的酒香亦更能带出牛肉的鲜肉味，配搭特别。另一主菜系美国猪肉眼扒，扒好厚身，好juicy, 软硬度刚刚好，好有口感，而配的焦糖苹果都好特别~最后仲有细细件的提拉米苏甜品及餐饮，特别一提，我拣左奶茶，奶系分开上，可以跟个人喜好自己选择落几多，而杯奶系好重鲜奶香味!!两个人食左$196, 价钱可以接受啦~