影片
更多
2019-11-19
2127 浏览
星期五又系同朋友lunch嘅日子，我哋都钟意捐窿捐罅喺深水埗长沙湾一带揾嘢食。前排见到有报导森美都嚟C2 Kitchen食，见价钱又ok就一于试下啦😄。餐厅位置其实都几隐世，喺乐年花园对面，一堆车房之中，普通行街一定唔会经过。话虽如此，食客源源不绝，好彩我啱啱好一点钟嚟到，迟多五分钟都要等位！我哋2个人坐咗喺chill chill的窗口bar枱位，无咩风景但街道人少少，几舒服😌。餐厅座位唔多又唔少，坐到2x-30人啦，枱同枱之间空间较窄，不过胜在环境光猛，装修简约！听闻呢到出名手工意粉🍝，lunch menu有唔少pasta拣，亦有扒餐供应，而墙上就另外贴出2款是日午市推介。价钱由$52至$82不等，包沙律、餐汤同饮品，再收加一服务费。最平𠮶款计落都算几抵，食牛扒就贵啲，丰俭由人。我同朋友就叫咗一碟pasta同一个main dish share嚟食😋。首先系甜粟米焙煎芝麻酱田园沙律🥗同粟米忌廉汤🥣，两样都有唔少粟米🌽粒，所以我都几like。份量适中，唔会俾人有孤寒嘅感觉。麻酱沙律几开胃好食，菜亦都新鲜。汤就正正常常啦，个味道都几熟悉。主角一出场啦，鸡柳西兰花黑松露忌廉汁尖通粉($52)
星期五又系同朋友lunch嘅日子，我哋都钟意捐窿捐罅喺深水埗长沙湾一带揾嘢食。前排见到有报导森美都嚟C2 Kitchen食，见价钱又ok就一于试下啦😄。餐厅位置其实都几隐世，喺乐年花园对面，一堆车房之中，普通行街一定唔会经过。话虽如此，食客源源不绝，好彩我啱啱好一点钟嚟到，迟多五分钟都要等位！
我哋2个人坐咗喺chill chill的窗口bar枱位，无咩风景但街道人少少，几舒服😌。餐厅座位唔多又唔少，坐到2x-30人啦，枱同枱之间空间较窄，不过胜在环境光猛，装修简约！
听闻呢到出名手工意粉🍝，lunch menu有唔少pasta拣，亦有扒餐供应，而墙上就另外贴出2款是日午市推介。价钱由$52至$82不等，包沙律、餐汤同饮品，再收加一服务费。最平𠮶款计落都算几抵，食牛扒就贵啲，丰俭由人。我同朋友就叫咗一碟pasta同一个main dish share嚟食😋。
首先系甜粟米焙煎芝麻酱田园沙律🥗同粟米忌廉汤🥣，两样都有唔少粟米🌽粒，所以我都几like。份量适中，唔会俾人有孤寒嘅感觉。麻酱沙律几开胃好食，菜亦都新鲜。汤就正正常常啦，个味道都几熟悉。
主角一出场啦，鸡柳西兰花黑松露忌廉汁尖通粉($52)，上碟就唔算十分精美，主要都系见到长通粉，𩠌亦都唔多。但一摷起呢，就发现原来下面劲多汁，黑松露味超香扑鼻而来😍，完全估唔到。通粉好弹牙，口感QQ的，唔系平日食开偏淋𠮶种，唔错唔错。不过我认为鸡柳🐔同西兰花🥦可以多啲，依加有点美中不足。
鸡柳西兰花黑松露忌廉汁尖通粉
$52
47 浏览
1 赞好
0 留言
好快就到主角二出场喇，香煎挪威三文鱼扒蕃茄牛油汁配薯角($78)，呢个系其中一款是日午餐嚟，见唔系咁多餐厅有煎三文鱼食🐟，所以就试下，其实见隔离枱嗌牛扒都几吸引！一上枱就发觉无叫错，午餐用木盘送上，劲厚肉大嚿嘅三文鱼上面淋上蕃茄牛油汁，望见已经好想食😋。首先三文鱼外皮边边煎到好脆好香，而鱼肉就好滑好嫩但又唔会腥，保持到好juicy，劲高质！份量超多，鱼扒劲大块劲厚。至于个汁，唔系想像中嘅蕃茄酸🍅，反而系甜甜哋又重香草味，令我联想起pizza，另外仲搭配咗啲菇。最后伴碟嘅薯角热辣辣亦都好正，同时呢个set仲有啲前菜嘅沙律😂。
香煎挪威三文鱼扒蕃茄牛油汁配薯角
$78
138 浏览
0 赞好
0 留言
食完午餐已经好饱饱好满足，不过仲包餐饮，我哋分别叫咗秋日特饮🍁，唔使加钱。朋友要咗热生姜菊花蜜，佢话够哂姜，几润。我就要咗冰冻薄荷鲜柠蜜，我完全估唔到杯嘢劲绿色🙈，好吸睛。第一啖饮觉得味道好复杂，好似试饮紧有乜成份，但饮落其实都ok的，系有薄荷同柠蜜味，不过原来我𠮶杯都有姜，又系够哂姜味，正，饮完喉咙热腾腾🤪。
总括嚟讲，呢间西餐厅喺内街都拥有咁高人气唔系无原因的，皆因食物好味，煎三文鱼扒真系超高质啊🤤！餐厅以西餐来讲其实都算性价比高，当然喺深水埗区就唔系至抵之选。我下次嚟想试多几款pasta，今次剩系食咗长通粉，毕竟呢到出名嘛。除咗咸食外，仲见到有个甜品menu，有好多款都好想食啊，下次又要试埋。最后想讲埋服务方面，楼面店员主要有2位，点餐送餐一脚踢，好忙但都有礼貌，不过如果可以有多点笑容就更好啦😃。题外话，我仲见到餐厅有卖好多手工啤酒🍻，放工嚟happy hour亦系一个唔错嘅选择！用心小店，加油💪。
张贴
