TATA KSR 韓式。燒烤 (已結業)

星期日同男朋友睇完家私之后，夜晚去食韩国野。呢间新开既餐厅系一间韩国小店，座位唔多但都企理。我地各自拣左一份主食、丸子牛骨汤、泡菜、饮品，绝对食得饱。主食我地拣左韩式炸酱面同芝心猪扒饭。泡菜几好食，少少辣，好惹味，口感爽口，食到嗦嗦声。丸子牛骨汤几热，汤入面有墨鱼丸，饮落清清地，都几好。韩式炸酱面好浓味，入面有啲洋葱、薯仔粒、肉粒，面质烟烟韧韧，捞匀食好有韩国既feel，一解我最近睇韩剧好想食既心瘾。芝心猪扒饭几邪恶，炸猪扒包住芝士，外皮够香脆，同芝士夹埋食味道更上一层楼，旁边有蛋黄酱同青瓜丝。饮品方面我饮王老吉，男朋友饮可乐。