Contrast

营业中

休息中

朋友介绍呢间长沙湾嘅cafe，话装修好靓，坐喺入面食再望出去会同附近嘅车房工厂有好强烈嘅对比，于是我哋就去试了。📍竹炭糯米窝夫 $98 🧇（包杂莓，乳酪忌廉，干燥红莓，自家制牛奶雪条）价钱 7/10 味道 7.5/10灰灰黑黑嘅竹炭窝夫外脆内软，呢种软唔系waffle嘅软呙，而系糯米mochimochi𠮶种软糯糯。餐厅做咗低糖版嘅甜品，食落唔太甜，配埋红莓酱同yoghurt cream食好好味。不得不提支自家制牛奶雪条，本身谂住宝物沉归底，留返最后一次过食，但原来自家制真系会溶架…好后悔冇早d食，因为好香奶味，溶溶哋都依然咁好食！📍墨鱼汁扁意粉伴蟹籽 $78 🍝价钱 9/10 味道 7/10呢个价钱嚟讲都算抵食，墨鱼啱啱好熟，唔会un，蟹籽落得一啲都唔吝啬，蒜味重，墨鱼汁正常发挥。💌总结黑白style嘅餐厅配黑白style嘅美食，再加上文青装修，你值得拥有。