啡寮 (已結業)

本来以为平日嘅长洲冇乜人，谂多左 但一定好过假期黎，虽然有唔少食店都冇开门(哭)。当日天气超好，蓝天白云，我地喺附近行左阵黎左呢间咖啡店歇歇。啡寮主打冰滴咖啡，由门面、装潢、出品都好唔长洲，布置几花心思，墙身、木箱、咕𠱸等都印上logo。店内有少量梳化位置，配合简约色调，满足打卡人士需要，又可以喺度休歇。餐牌供应冰滴、手冲咖啡、朱古力、茶等，定价$32-52，比较吸睛一定系，椰皇冰滴咖啡。海盐朱古力 $42朱古力点左热嘅，本来想要焦糖𠮶款，但当日未有焦糖。呢杯海盐朱古力味道都唔错啊，朱古力味香浓，拉花好靓，冇乜气泡，而且一路饮都系完整。奶泡带少少海盐咸味，两者配合得很好，令朱古力味更加香甜，适合呢个天气饮伯爵茶 $32另一杯我拣左伯爵茶。杯子比较细瘦，最欣赏系佢地用环保饮管。虽然自己都唔系好惯，因为我系咬饮筒嘅人。不过见人地愿意多做一步，都好值得支持。伯爵茶够哂冻，冇添加多余野，就系一杯好浓好浓嘅伯爵，茶厚滑。英式茶有别于一般日式或者台式茶，有茶种嘅甘涩，未必个个喜欢。  长洲冰滴咖啡 $35/white冰滴一般价钱都唔平，而且供应量有限。朋友点嘅呢杯有明显嘅渐层，可以见到咖啡嘅浓度。