越大哥 (中興新街) (已結業)

今次喺長洲其中一間食咗嘅餐廳就係以越南菜為主打嘅「越大哥」😋因為我都朋友都比較細食，所以我哋就淨係揀咗呢啲小食，包括以下呢四款:💋越式軟殼蟹米紙卷💋越南春卷💋越式無骨鳳爪💋香茅串燒雞首先，非常推介呢一款米紙卷，米紙卷非常之薄，咬落去脆卜卜，因為入面加咗軟殼蟹，口感非常之層次豐富！另一款嘅越南春卷都相當唔錯，呢款比起米子卷外皮更加脆，兩種又唔一樣嘅感覺，不過都好好食！然後就要推介呢一款非常有越式菜風味嘅無骨鳳爪，佢哋個酸辣汁簡直係冇得頂，酸酸辣辣嘅鳳爪仲要無骨，食落非常之開胃！最後一款就係非常之多汁嘅香茅串燒雞，燒完之後雞肉仍然好滑，啖啖肉👅