啡寮 (已結業)

每次嚟长洲都会去啡寮，但唔系次次嚟都有得饮椰青冰滴咖啡。上一次嚟店长话啲椰青唔靓，所以无得饮。今次再嚟，所谓念念不忘，必有回响，终于有啦！我同朋友都叫咗椰青冰滴咖啡，不过两个椰青嘅椰青水味道唔一样，所以两杯嘅味都有啲分别。一杯甜啲，一杯青啲。我𠮶杯嘅椰青水就无咁清甜，所以无咁好饮。不过整体都系唔错，好解渴又好透心凉！咖啡味同椰子味平衡得几好，每次嚟都要饮佢呀！上次黎试过佢个菠萝冰滴咖啡，酸酸甜甜好解渴，仲饮到少少果肉，非常好味。下次可以再试下其他。