越大哥 (中興新街) (已結業)

好耐冇去长洲啦！一个人去长洲游游，轻松过一日假期。行到中兴新街见到呢间越南餐厅，一向都钟意食越南野的我，当然要试下！餐厅好有风格的新式茶记，外墙贴左红砖🧱图案墙贴，有一角落仲有一幅越南的风景画，再加埋几张挥春，真系风格十足😎。两边门口都系玻璃设计，可一边食野一边望景，室外都有几张枱可以坐，成个感觉好chill。招牌海鲜肉丸鲜茄蟹汤檬呢个檬粉非常鲜味，汤底清甜，鲜茄酸甜开胃，蟹汤味道鲜甜，🦐虾爽口又鲜甜，肉丸炸得超好味，汤连粉全碗清！香茅串烧牛新鲜即烧香芧串烧牛，多汁又好味，香茅味够足，非常香，包生菜🥬一齐食都好味香茅串烧鸡串烧鸡肉质嫩滑，好易咬开，香芧唔会抢左鸡的鲜味，非常夹。