影片
更多
2021-01-16
1534 浏览
虽然话自己晌深水埗区混得较多，但真喺唔知除「嘉顿」隔离，青山道尾长沙湾呢边仲有一间「雪山冰厅」。今日就喺趁放早，过嚟「实惠」买啲家居品，原本无打算下午茶，见对面就有间「雪山」，同老婆睇两睇，下午茶餐有炸脾配红豆冰，佢话想食好耐，二话不说，就放纵一次啦。 跟另一家店嘅环境差唔多，有少少怀旧元素，薄荷绿嘅墙身砖，地板就花阶砖，一侧墙身有啲仿木窗，一侧墙身就喺大金鱼嘅彩绘，非常抢眼。 一如大多数嘅茶记，调味料、餐具早已放齐晌枱面，唔使多口问侍应，方便客人，又唔使令员工加重多啲功夫。 阿姐好醒目，嚟两杯热水，俾客人洗洗刀叉，话晒佢啲刀叉无遮无掩，热吓佢消消毒都安心啲啲。 下午茶餐有咩嘢食？一版A4纸睇晒，选择几多，有轻食嘅，有饱肚嘅，而定价都几大众化。入嚟前，已喺门口睇定晒食乜，所以，一坐低就即落单。 避风塘生炸脾 + 红豆冰 $38 唔止炸脾，仲加埋「避风塘」元素，其实，好耐之前晌「嘉顿店」都食过一次，今次，就等老婆试吓。只鸡脾非常之大，好坠手，上枱时都感受到𠮶股「热气」。老婆话入口外皮好香脆，加埋啲炸蒜，香香辣辣劲惹味，而鸡肉比预期好，无话「嚡烚烚」，亦唔会食到好油。我都试咗几啖肉，确喺O
跟另一家店嘅环境差唔多，有少少怀旧元素，薄荷绿嘅墙身砖，地板就花阶砖，一侧墙身有啲仿木窗，一侧墙身就喺大金鱼嘅彩绘，非常抢眼。
一如大多数嘅茶记，调味料、餐具早已放齐晌枱面，唔使多口问侍应，方便客人，又唔使令员工加重多啲功夫。 阿姐好醒目，嚟两杯热水，俾客人洗洗刀叉，话晒佢啲刀叉无遮无掩，热吓佢消消毒都安心啲啲。
下午茶餐有咩嘢食？一版A4纸睇晒，选择几多，有轻食嘅，有饱肚嘅，而定价都几大众化。入嚟前，已喺门口睇定晒食乜，所以，一坐低就即落单。
避风塘生炸脾 + 红豆冰 $38 唔止炸脾，仲加埋「避风塘」元素，其实，好耐之前晌「嘉顿店」都食过一次，今次，就等老婆试吓。只鸡脾非常之大，好坠手，上枱时都感受到𠮶股「热气」。老婆话入口外皮好香脆，加埋啲炸蒜，香香辣辣劲惹味，而鸡肉比预期好，无话「嚡烚烚」，亦唔会食到好油。我都试咗几啖肉，确喺OK㖞。
红豆冰大杯又足料，净喺睇表面你就见落咗唔少红豆，啲红煲到又绵、又清甜，果然真材实料，入口冰凉嘅奶水，配炸脾啱晒啦。
德州辣肉酱热狗皇 ＋ 热奶茶 $32晌茶记食下午茶，多数喺嗌菠萝油，其次就沙嗲牛包，但今次转转口味，试试热狗，但呢只唔喺「普通狗」，而喺加入大量辣肉酱嘅热狗，睇样都好吸引。面包用上巨型潜艇包，仲烘过嚟，有啲脆边，包心却好软熟，而肉酱劲惹味，少少辣而已，鸡肉肠亦唔似平价货，又无死咸嘅问题，总之，整件热狗超好美，绝对顶得一餐饭。
德州辣肉酱热狗皇
24 浏览
0 赞好
0 留言
今次虽然喺快闪嘅下午茶，但都试到两款好嘢，夹埋之前嘅帮衬，「雪山」嘅出品都算喺有质素，兼且够稳定。
张贴
