車仔麵之家

营业中

休息中

不少人会对奉行「立食」模式的食店不敢恭维，甚至避之则吉。但呢间车仔面，却因「立食」作招徕，吸引大批人，特别系上班一族去食，更成为湾仔出名嘅食店。得网友介绍，加上在湾仔返工时食过，泛起了对餐厅嘅思念，所以就去咗车仔面之家食嘢。今次拣了几乎从来冇拣过嘅幼面（$9），配咖喱鱿鱼（$12）、猪大肠（$12）、蚝油冬菇（$8）、香肠（$7），以及该店特别出名嘅甜酸斋（$9），加上著名的沙爹酱，听到都流晒口水。🤤非常推介甜酸斋：有别于出面淋淋地嘅甜酸斋，甜酸斋系稍为炸过，非常有咬口。猪大肠🐽非常爽口，唔会有异味；咖喱鱿鱼🦑质感烟韧，有好浓厚嘅咖喱味；香肠系煎过之后再落汤，口感一流；而冬菇，蚝油味好rich。👍🏼👍🏼呢间店嘅面底有大、中、小供客人选择，客人可按照不同自己嘅食量选择，非常贴心。环境方面：舖面只有一张长方枱，但枱上有不少上一手食客用膳完留底嘅碗筷无人收拾，客人用膳时需要把碗筷收埋在一边，一嚟食嘢唔太方便；二嚟唔太卫生。小鸡觉得呢方面餐厅要改善下。亦都系餐厅在运作方面的高效率同高嘅性价比，吸引到不少在湾仔区返工的上班一族前嚟买外卖，中午经常大排长龙，令「长龙立食」的称誉传扬开去。