影片
更多
2018-06-23
545 浏览
长发商场经过一番装修后，终于有酒楼开，茶客们可以去叹返一盅两件。今日难得父母放假，一于带佢地饮个茶食个包，享受假期既热闹同轻松。四人点了11个点心，原本想叫埋盅饭，但太迟来，好快售罄，不过最后唔食饭都够饱，大家都满足回家。【水晶虾饺皇】皮薄馅靓，虾肉极爽又大粒，咸度适中。【鲜虾菜苗饺】菜苗嫩而无渣，菜同虾比例一半，健康清淡不油腻，同样皮薄又弹。【雪山叉烧餐包】个脆面太腍，原本谂住好似菠萝包甘脆，但应该唔系个款脆面，都几甜，叉烧馅够味但份量太少，味道一般。【香滑牛肉肠】肠粉几厚，幸好算滑，牛肉馅腍滑，同粉肠口感一致，若牛肉再多点会更丰富。【蚝皇鲜竹卷】足料又浓味，蚝皇味十足，个汁稠稀度刚好，挂上鲜竹卷，好味。【鲜虾腐皮卷】即点即炸，热辣辣又香脆，鲜虾馅又多，仲好轻盈，食多两件都得。【蜜汁叉烧肠】叉烧都几多，感觉呢款肠粉又薄返，味道好口感佳。【四宝滑鸡扎】阿爸至爱，味道正常，份量亦刚好，鸡肉馅几大件。【蟹籽烧卖皇】卖相几靓，猪肉馅弹牙爽口不油，大粒抵食，蒸得都唔错。【流沙奶皇包】衬热食更好，但放左一阵都仲保持流沙状，奶皇馅好香咸蛋味，流沙爆浆够吸引，包也松软好味，一定要食呢款包。【安虾咸水
今日难得父母放假，一于带佢地饮个茶食个包，享受假期既热闹同轻松。
四人点了11个点心，原本想叫埋盅饭，但太迟来，好快售罄，不过最后唔食饭都够饱，大家都满足回家。
【水晶虾饺皇】皮薄馅靓，虾肉极爽又大粒，咸度适中。
【鲜虾菜苗饺】菜苗嫩而无渣，菜同虾比例一半，健康清淡不油腻，同样皮薄又弹。
【雪山叉烧餐包】个脆面太腍，原本谂住好似菠萝包甘脆，但应该唔系个款脆面，都几甜，叉烧馅够味但份量太少，味道一般。
【香滑牛肉肠】肠粉几厚，幸好算滑，牛肉馅腍滑，同粉肠口感一致，若牛肉再多点会更丰富。
【蚝皇鲜竹卷】足料又浓味，蚝皇味十足，个汁稠稀度刚好，挂上鲜竹卷，好味。
【鲜虾腐皮卷】即点即炸，热辣辣又香脆，鲜虾馅又多，仲好轻盈，食多两件都得。
【蜜汁叉烧肠】叉烧都几多，感觉呢款肠粉又薄返，味道好口感佳。
【四宝滑鸡扎】阿爸至爱，味道正常，份量亦刚好，鸡肉馅几大件。
【蟹籽烧卖皇】卖相几靓，猪肉馅弹牙爽口不油，大粒抵食，蒸得都唔错。
【流沙奶皇包】衬热食更好，但放左一阵都仲保持流沙状，奶皇馅好香咸蛋味，流沙爆浆够吸引，包也松软好味，一定要食呢款包。
【安虾咸水角】安虾干咸香惹味，咸水角香软糯。
又估唔到客人虽多，但服务都仍然好好，加热水点菜都好快服务到，而且点心5-10分钟热辣辣送到，侍应/部长 都几亲切有礼。
张贴
