Knockbox Coffee Company (已搬遷) 新店位置

食完晚饭过嚟吹下水食下靓甜品。装修系我钟意嘅小店风，不过呢其实我就唔系话太钟意坐高櫈，始终脚踏实地好啲😅，不过无位都无办法。今次无order 我至爱嘅mocha , 因为都晏了，怕训唔著，要咗杯朱古力，朱古力都有心心拉花，好开心，朱古力味好浓，几唔错。另外仲有order 咗2杯 dirty 同flat white 跟住落嚟呢个甜品真系长智识，creme brulee 食过好多次，每次都系下面炖蛋，上面系用火枪烧一烧啲糖脆脆地咁，但呢间就完全唔系𠮶回事，样同囗感都同我食过嘅完全唔同，类似cake 咁，总括一句，唔好食最后嘅yellow真系好IGable🥰 , 卖相实在非常好，好啱呃like , yellow 其实即系蜜糖窝夫，一共有8粒，旁边仲有啲食用花，窝夫造得好香👍，不过就唔够脆，囗感差少少。