天奴豬扒餐廳 (已結業)

复活节，一起身跑完个步，紧系要揾食啦。老婆话想食猪扒饭，第一时间就谂到食『天奴猪扒饭』。餐厅唔算大，连埋『露天雅座』坐到三十几人左右，但佢真系所谓客似云来，而咁多人帮衬，系有佢既原因既。咁原因好简单，就紧系好食啦。我地今次叫左个黑椒汁猪扒蛋饭，冻奶茶。大概5分钟，野食就到左。骤眼睇你会以为佢平平无奇，但佢块猪扒真系得，煎得几香口之余，佢仲好『临』。然后，笃穿只太阳蛋捞埋啲黑椒汁食一啖饭，真系一流。然后唔少得既系佢伴碟既茄子，由于本人相当喜欢食茄子，所以真系加晒分！