木船 (已結業)

一向都系木船嘅粉丝，好钟意食佢嘅「海南鸡饭」同埋「猪髀肉饭」。疫情期间，见佢推出外卖优惠，当然要支持！💪🏻💪🏻今日试咗个「杂菌炒金边粉」，感觉有点中伏。个炒粉好甜，感觉似食紧甜品。我明白泰式炒金边粉系有少少甜，但相比以往试过多间泰式餐厅的炒金边粉（包括在泰国食的炒金边粉），的确是有史以来食得最甜嘅一碟。配料方面都足够，唔会偷工减料。颜色和样貌到达水准。可惜真系好甜，未知主厨本意是甜炒金边粉，还是今日落糖重手左？饮品方面选择了姜蜜，疫症之前，姜蜜要另加钱，而家不用额外费用，值得一赞！👍🏻 平时堂食，姜蜜好够味，今日依杯外卖，睇嚟轻手左。今次可以讲系木船开业以来，我的第一次失望体验。今次疫症真系令饮食业重创，我相信木船都不另外，晚晚应该冇觉好瞓，难怪失准。今次虽然有点失望，但会继续支持木船，木船继续加油！💪🏻