生原創(蛋包飯)

营业中

休息中

呢间蛋包饭，我都食过好几次，每次嘅质素都保持到水准，不过佢嘅饭都几大碟如果两个人去食一人叫一碟嘅话一定好饱甚至食唔晒，所以基本上如果两个人去就话一碟饭跟住再嗌小食，三个人去就嗌两个饭，如此类推。饭方面，我觉得佢个和牛蛋包饭同海胆蛋包饭系值得推介嘅，当然要加钱转买流心蛋啦，我就通常陪开茄汁，因为惊咖喱味同白汁会好重口味，所以未试过。小食方面，我会选择叫佢个鸡泡鱼干，芝士鸡翼，仲有𠮶个牛串烧都好好食。嘢饮方面都好多选择，日本餐厅当然有清酒同啤酒啦，不过揸车就费事饮啦。总括来讲，呢间餐厅系值得推介，价钱方面唔算特别贵，服务几好环境唔错。